Швейцариянын Женева шаарында Чехия менен Түркиянын бүгүнкү беттешүүсүндө "А" тобунан чемпионаттын чейрек финалына чыгуучу экинчи команда аныкталат. Бул топтон буга чейин чейрек финалга Португалия чыккан. Ал эми "Д" тобунан кечээ Европа чемпиону Грецияны 1:0 эсебинде жеңген Орусия чейрек финалды камсыздаш үчүн эми алдыдагы шаршемби күнү Швецияны утушу керек. Азырынча чейрек финалга Португалиядан тышкары Испания, Хорватия, Голландия чыкты.
