“Демократия жана атуулдук коом үчүн” коалициясынын башчысы Динара Ошурахунованын “Азаттыкка” маалымдоосуна караганда, андай иш-чара чакырууга өлкөдө акыркы кезде түзүлгөн кырдаалды талкуулоо, ага баа берүү жана каршы туруу зарылчылыктары себеп болууда. Кыргызстанда сөз, жыйыналыш эркиндиктери чектелип, журналисттерди кысымга алуу күчөп баратат. Мындай шартта укук коргоочулар биргелешип аракеттенүүбүз зарыл жана ал жакынкы убактарда чакырыла турган конференцияда талкууланат, деп белгиледи Ошурахунова. (AiT)
