Эртең Тарых музейинде өтүүчү курултайда партиянын уставы өзгөртүлүп, төрагасы, саясий кеңеш шайланат. Ошондой эле программалык тезистин долбоору таркатылып, өлкөдөгү саясий-экономикалык кырдаал талкууланып, бул боюнча партия ачык позициясын билдирет. Курултайга 180 делегаттын келиши күтүлүүдө, деп билдирди “Азаттыкка” партиянын лидери Темир Сариев. Анын айтымында, “Ак шумкардын” курамын коммунисттик доордо бийликте жүргөндөр, Акаев доорундагы саясатта жана кызматта жүргөндөр, кызматынан айдалып бийликке нааразы болгондор эмес, билимдүү, таланттуу жаш муундардын өкүлдөрү түзөт. (AJ)
