Бүгүнкү тегерек үстөлдө бир нече оппозициялык маанайдагы саясий партиялар менен жарандык коом өкүлдөрү энергетикалык жана азык-түлүк кризисинин артынан келүүчү саясий кризистин алдын алуу үчүн түрдүү сунуштарын киргизишти. Тегерек үстөл катышуучулары дээрлик бир ооздон Кыргызстанда башкаруу системасын өзгөртмөйүнчө, абал оңолбойт, деген чечимге келишти. Мындан тышкары саясий партиялар менен жарандык коомдун тыгыз байланышта иш алып баруусу, бардык иш-чараларда чогуу болуусунун зарылдыгы белгиленди. Тегерек үстөлдүн уюштуруучулары иш-чара эки жумадан кийин дагы уланарын билдиришти. (ZKo)
