Бүгүн Нур уулу Досбол кытай Маданият министри Цай У баштаган атайы делегацияны кабыл алды. Жолугушууда мамкатчы соңку 2 жыл ичи Кыргызстанда болгон өзгөрүүлөргө токтолуп, эки өлкө ортосундагы кызматташтык жаатында маалымат берди. ШКУга мүчө өлкөлөрдүн маданият министрлеринин бешинчи жыйынына келген кытай маданият Министри Цай У эки өлкө ортосундагы 16 жылдык кызматташтык жемиштүү жүрүп жатканын белгиледи. Ал Кытайда жакында эле болгон зилзалааладан кийин жардам көрсөткөн кыргыз өкмөтүнө терең ыраазычылык билдирип өттү. Бүгүнкү жолугушууга кыргыз маданият министри Султан Раев жана Кытайдын Кыргызстандагы элчиси Чжан Яньнянь да катышты.(EK)
