Уганданын борбору Кампала шаарында 18-20-июнда ИКУнун тышкы иштер министрлеринин 35чи жыйыны болуп, ага Кыргызстан тышкы иштер министринин орун басары Эрмек Ибраимов жана Кыргызстандын Сауд Аравиясындагы элчиси Жусуп Шарипов катышты. Жыйында кризистерди жана чатактарды четтетүү, жакырчылыкка каршы күрөш, илим-техниканын жетишкендиктерин пайдалануу маселелери талкууланды. Конференцияда ошондой эле мусулман финансылык мекемелерин Кыргызстанга экономикалык жардам көрсөтүүгө чакырган чечимди улантуу жактырылды. Бул тууралуу тышкы иштер министрлигинен бүгүн кабарлашты. (AiT)
