Буга чейин Нуристан вилайетинин губернатору америкалык аба күчтөрүнүн абадан жасаган чабуулунан 15 карапайым тургундар набыт болуп, дагы жетөө жараат алганын кабарлаган болчу. Өз кезегинде АКШнын көзөмөлү алдындагы коалиция жума күнү абадан жасалган чабуулдан НАТО аскерлери жайгашкан базаны аткылаган жоочулар өлтүрүлгөнүн кабарлаган. Бирок Нуристан вилайетинин губернатору америкалык командачылыктын бул билдирүүсүн четке кагып, өлтүрүлгөндөр арасында бир дагы жоочу болбогонун айтты.
