Эл аралык валюта кору Косовонун эгемендүүлүгүн таанып, расмий Приштинанын бул каржы уюмуна кошулуу арызы жакынкы арада каралып чыгаарын билдирди. Косово Сербиядан үстүбүздөгү жылдын февраль айында бөлүнүп чыккан жана андан бери бул өлкөнүн көз карандысыздыгын АКШ, Евробиримдикке кирген 20 өлкө жана дагы 21 мамлекет тааныган. Орусия колдогон Сербия болсо Косовонун эгемендүүлүгүнө караманча каршы жана жаңы мамлекеттин Эл аралык валюта кору, Дүйнөлүк банк өңдүү уюмдарга кошулуусуна бут тосоорун айтып келет.
