Мамлекеттик департамент каржылаган “Фулбрайт” программасынын алкагында кыргызстандык студенттер менен изилдөөчүлөр АКШнын жогорку окуу жайларында, илимий изилдөө мекемелеринде билимдерин, кесиптик чеберчиликтерин өркүндөтө алышат. Гуманитардык, инженердик жана социалдык тармактар боюнча “илимдин кандидаты” даражасы бар жергиликтүү изилдөөчүлөр АКШда 6 айдан 9 айга чейин илимий-изилдөө иштерин жүргүзсө, студенттер болсо “илимдин чебери” даражасын алуу үчүн 1 жылдан 2 жылга чейин америкалык университеттерде акысыз билим алууга мүмкүнчүлүктөрү бар. (GA)
