Кара-Суу районунун акими Токтосун Барманов быйылкы табигый кырсыктан жабыркаган жердештерине Орусия жөнөткөн гуманитардык жардамды - 20 тонна унду кабыл алуудан баш тарткандыгын «Азаттыкка» кабарлады. Анын айтымында, биринчиден, мынча азыкты элге адилет бөлүштүрүү кыйын, экинчиден, укук коргоо органдарынын тынымсыз текшерүүсүнөн жергиликтүү бийлик чарчады. Оштук серепчи Абай Эшмаматов жөнсүз текшерүү көбөйгөндүктөн, ишкана-мекемелер арасында нааразычылык күч экендигин, бирок, Кыргызстан кыйын кезеңде чет өлкөлөр жардамысыз деле жашап кетээрин баса белгиледи. (АТо)
