Бириккен Улуттардын Өзөктүк кубат боюнча агенттиги Венада болгон жума күнкү жыйынында Индиянын өзөктүк программасын коопсуздук нормаларына жооп берет деп жактырган. Ирандан айырмаланып, Индия өзөктүк куралды жайылтпоо жөнүндөгү келишимге кол койгон эмес. Ирандын МАГАТЭдеги өкүлү Али Аскар Солтани АКШны эл аралык келишимдерди бузуп жатат деп айыптады. БУУнун Коопсуздук Кеңешинин мүчөсү болгон алты өлкө Иранга өзөктүк программасын токтотуу жөнүндө талап коюп, ага июль айынын этегинде ойлонүп көрүүгө дагы эки жума убакыт берген. Бул мөөнөт ушул апта соңунда аяктайт.
Иран АКШны Индиянын өзөктүк программасын жактап, башкалардыкын четке кагып, эки жүздүү саясат жүргүзүп жатат деп айыптады
