Бул тууралуу “Акыйкат үчүн” кыймылынын координатору, Коомдук парламенттин мүчөсү Аликбек Жекшенкулов Азаттыкка билдирди. Анын айтымында ушул айдын этегинде Коомдук парламенттин кезектеги отуруму өтөт. Анда Коопсуздук кеңешинин мурдагы катчысы, Коомдук парламенттин мүчөсү Мирослав Ниязов иштеп чыккан өлкөнү өнүктүрүү концепциясын талкуулоо улантылмакчы. “Бийлик элге оппозиция алсызданды, колунан эч нерсе келбей калды деген сөздөрдү таратып атат. Бул атайын уюштурулуп жаткан саясий оюндар. Оппозиция кайра биригип, бүгүнкү күндө күч алууда” – дейт Аликбек Жекшенкулов. (EK)
