АКШдан сенаторлорду баштап келген Гарри Рид мындай пикирин бүгүн президент Курманбек Бакиев менен болгон жолугушууда билдирди. Cенатор Рид АКШ Кыргызстанды демократиялык баалуулуктары менен айырмаланып турган өлкө катары таанырын айтты. Ал ошондой эле бүгүн башталган иш сапарында бир топ жолугуушуулар болгонун, сенаторлор АКШнын Кыргызстанда жайгашкан “Манас” аскерий базасында болуп кайтканын маалымдады. Өз кезегинде К. Бакиев Кыргызстан эгемен болгон жылдардын тарта кызматташып келаткандыгы үчүн АКШ өкмөтүнө ыраазычылык билдирди. Өлкө башчысы коопсуздук жана эл аралык терроризмге каршы күрөштө Кыргызстан АКШ менен кызматташуусун уланта берээрин баса белгиледи. (EK)
