Кытай бийлиги үч күндөн кийин баштала турган Олимпиада оюндары учурунда коопсуздуктукту камсыз кыла алат. Бул тууралуу Олимпиаданын уюштуруу комитетинин өкүлү Сун Вейде билдирди. Кечээ Кытайдын түндүк-батышындагы Шинжаң-Уйгур автоном районунда полиция бекетине кол салуудан бери дегенде 16 адам набыт болгон. Өкмөттүк басма сөз каражаттары жазганга караганда бийлик Шинжаң-Уйгур автоном районунда коопсуздук чараларын күчөттү. Кытайдын маалымат каражаттары дүйшөмбү күнү орун алган кол салуу үчүн сепаратист жоочулары жооптуу деп жазып чыгышты.