“Адилет” укуктук клиникасы уюштуруп жаткан семинарлар 8-9-августта Ошто, 11-12-августта Жалал-Абатта өтөт. Ага ВИЧ/СПИД жана баңгичиликке каршы күрөш боюнча өкмөттүк жана бейөкмөт уюмдарда иштеген юристтер, медициналык жана социалдык кызматкерлер катышмакчы. Семинардын жүрүшүндө адам укугу жана медицина боюнча кеңири маалымат берилип, ВИЧ/СПИД жана баңгичиликке тез тартылган калк катмары менен иштөөнүн натыйжалуу жолдору, кылмыш-жаза жана административдик жактан жөнгө салуу, социалдык-укуктук жактан коргоо маселелерине көңүл бурулмакчы. (EBM)
