Жаза өтөө жайлары менен иштешип келе жаткан “Кылым шамы” бейөкмөт уюмунун жетекчиси Азиза Абдурасулова эки жаза өтөөчүнүн өлүмү менен коштолгон кырдаал тынчытуунун өзү тынчсыздануу жаратып жаткандыгын билдирди. Баш-аламандык башталгандан бери абакка укук коргоочулардын кирүүсүнө уруксат берилбей жатат. Азиза Абдурасулованын айтуусунда учурда укук коргоочулар абактан Бишкектеги СИЗОго алып келинген кишилер менен жолугууга аракет кылышууда. Ал бир жактуулуктан качып, жаза өтөп жаткандарды баш-аламандык кылууга эмне мажбур кылганын иликтөө зарыл, деп белгиледи.(ZKo)
