Агенттиктердин генерал-майор Вячеслав Борисовго шилтеме берип билдиришинче, орус аскерлери Түштүк Осетиядан кете баштады. Бирок Орусиянын Коргоо министрлиги бул кабарды төгүнгө чыгарды. АФП агенттигинин маалымдашынча, Борисов "Грузиянын Гори шаарында да тынчтык күчтөрү орус аскерлерин алмаштырып жатат" деп айтты. Бирок Ассошиэйтед Пресстин кабарына караганда, Грузиянын улуттук коопсуздук кеңешинин жетекчиси Александр Ломая орус аскерлери чыгарылбай эле, Горинин айланасындагы турумдарын өзгөртүп орун которуп жаткандыгын айткан.
