Кыргыз өкмөтүнүн маалыматы боюнча 2001-2007-жылдар аралыгында жергиликтүү башкаруу органдары тарабынан 37 миң гектарга чукул үрөн чарбаларынан тишелүү айдоо жерлер алынып, турак-жай куруу үчүн берилип кеткен. Мындан чарбалар эгиндин жакшы түшүм берүүчү үрөндөрүн өстүрүүнү кескин азайтууга аргасыз болушкан. Бул өз кезегинде жаздык жана күздүк эгиндердин түшүмдүүлүгүнүн азайуусуна алып келген. Буудайдын түшүмдүүлүгү 2002-жылы гектарынан 25 центнер алынып жаткан болсо, 2007-жылы 19 центнерге чейин түшүп калган.(ZKo)
