Каба уулу Кожомкул атындагы спорт ордосунда өтүүчү бул салтанатка өлкө башчысы да катышмакчы. Президент Курманбек Бакиев анда өлкөнүн Олимпиадалык курама тобунун спортчуларын жана машыктыруучуларын ХХIХ Жайкы Олимпиада оюндарына катышканы, жеңишке жетишкени менен куттуктап, Пекинде байгелүү жана ардактуу орундарды ээлеген спортчуларга мамлекеттик сыйлыктарды жана бир жолу берилүүчү акчалай сыйлыктарды, Олимпиада оюндарынын байге ээлери –Канатбек Бегалиев менен Руслан Түмөнбаевге жаңы автоунаалардын ачкычын тапшырмакчы. Бул тууралуу президенттин маалымат кызматынан кабарлашты. (SM)
