Пакистандык талиптер мусулмандар үчүн ыйык болгон Рамазан айында ок атышууларды токтото туруу тууралуу расмий Исламабаддын сунушун четке кагышты. Сват өрөөнүндө жайгашкан талиптердин басма сөз өкүлү Муслим Хан Рейтер маалымат агенттигине өкмөттүн сунушу тамаша маанайда болгонун, жоочулар бул аймакта шариаттын мыйзам катары орношуна чейин күрөштү улантарын айтты. Пакистандын куралдуу күчтөрүнүн кабарлоосуна караганда, кечээ (ишембиде) өлкөнүн түндүк-батышында “Талибан” кыймылынын өргүү жайларына абадан чабуул жасалган жана 24 саатка созулган салгылашуулар учурунда бери дегенде 40 талип жоочусу өлтүрүлгөн.
