Президент Курманбек Бакиев бүгүн “Учкун” жаңы конушунда орто мектептин ачылыш аземине катышып, сөз сүйлөдү. Анын айтымында акыркы мезгилде жаңы конуштарга мамлекет тарабынан жакшы көңүл бурулууда. Аларды өнүктүрүүгө шаардык казынадан жыл сайын төрт жүз миллион сом бөлүнүп жатат. Мындан ары бул сумма дагы да жогорулашы мүмкүн. Өз сөзүндө өлкө башчы бир топ кыйынчылыктарга карабай кесибин таштабаган мугалимдерге ыраазычылыгын билдирди. К.Бакиев ошондой эле мусулмандарды ыйык Рамазан айынын башталышы менен куттуктады. (AiJu)
