15:10 Аба кырсыктан көз жумган 5 адамдын өздүгү аныкталды

Өкмөттүн басма-сөз кызматы билдиргендей, алдын ала маалыматтар боюнча, лабораториялык изилдөөлөрдүн жыйынтыгында 24-августта Сокулук районунун Жаңы-Жер айылына жакын жерде аба кырсыктан каза болгон 5 адамдын ким экендиги аныкталды. Каза болгондордун жана алардын туугандарынын анализдери генетикалык деңгээлде салыштырылып, төмөндөгү адамдардын өздүгү аныкталды:

1. Абдрахим Абдрашитов, 1994- жылы туулган.
2. Алмаз Cултаналиев, 1982-жылы туулган.
3. Ринат Иксанов, 1990-жылы туулган.
4. Нурзат Сакимбаева, 1988-жылы туулган. (Кыргызстандын жарандары)
5. Евгения Цой, 1983-жылы туулган.(Казакстандын жараны)
Белгилей кетчү жагдай, Иран Республикасынан набыт болгондордун кимдиги соттук медициналык экспертизанын натыйжасында так аныкталып, расмий бүтүмү келмейинче шейит кеткендердин сөөктөрү берилбейт.(MSu)