Ооганстан менен чектеш Түндүк Вазирстан чөлкөмүндө АКШныкы деп шектелген учкучсуз башкаруудагы учактын ракеталык соккудан кеминде 11 адам каза тапты. Бул тууралуу Пакистандын расмий өкүлдөрү жана күбөлөр билдирди. Кабарларга караганда, бутага талибдердин белгилүү талаа командирлеринин бири - Жалауддин Хаккани кирип –чыгып жүрөт деген үй жана медресе алынган. Бирок 70-80-жылдары советтик аскерлерге каршы күрөшкөн Хаккани менен анын уулу Сиражиддин ракеталык сокку жасалган учурда үйдө болгон эмес.
