«Ата Мекен» партиясынын Ош облустук лидери Бакыт Калмаматов өзү «Азаттыкка» маалымдашынча, эки саат мурда аны Кара-Кулжа районунун борборунда Улуттук коопсуздук комитетинин кызматкерлери кармап, «Кыргызстандагы революциялык комитеттин өкүлдөрү менен жолугуп, калкка ревкомдун баракчаларын таратып жатыпсың» деп кысмакташкан. Учурда оппозициялык уюмдун облустук жетекчисин райондук ички иштер бөлүмү суракка алууда. Кара-Кулжа райондук улуттук коопсуздук бөлүмүнүн башчысы Бакыт Курманалиев Калмаматов кармалбагандыгын билдирип, ашыкча маалымат берүүдөн баш тартты. (ATo)
