ЖКнын экономика, бюджет жана каржы боюнча комитети Евробиримдик жана ПРООНдун парламенттик долбоорунун жардамы менен «КР Салык Кодексинин» долбоору боюнча парламенттик угуу өткөрмөкчү. Келаткан шейшембиге белгиленген бул угууга кызыктар тараптардын бардыгы: бизнес-коомчулуктун, бейөкмөт уюмдардын, мамлекеттик органдардын өкүлдөрү чакырылууда. Анда Жогорку Кеңештин аталган комитети долбоордун демилгечилери менен бирге эксперттердин бааларын, сунуштарын кабыл алышмакчы. Уюштуруучулардын айтымында, мындай сунуштар мыйзам долбоорунун сапатын арттырууга жардам берет. Бул тууралуу парламенттин маалымат кызматынан кабарлашты.(SM)
