Расмий Москва өткөн айда Грузиянын жикчил эки аймагы Абхазия менен Түштүк Осетияны эгемен деп тааныган. Кечээ министр Лавров Абхазияда болуп, аймактын лидери Сергей Багапш менен жолугушкан. Бүгүн Сергей Лавров Цхинвалиде Түштүк Осетиянын лидери Эдуард Кокойты менен жолугушмакчы. Грузиянын Тышкы иштер министри Екатерина Ткешелашвили Лавровдун бул сапарын кескин сынга алды. Бүгүн Тбилисиге НАТОнун баш катчысы Яап де Хооп Схеффердин келери күтүлүүдө.
