Бул тууралуу учурда камакта отурган саясатчы Ишенбай Кадырбековдун адвокаты Азимбек Бекназаров билдирди. Кадырбеков Бишкек шаар кеңешине депутаттыкка талапкер болуп 5-сентябрда каттоодон өткөн. Шайлоо өнөктүгүнө катышуу үчүн убактылуу бошотууну жана бошотууга көмөктөшүүнү сурап Кадырбековдун тарапкерлери сотко, айыптоочу тарапка, БШКга кайрылышкан болчу. Бекназаровдун айтымында, Кадырбеков шайлоого камакта отуруп катышууга аргасыз болот. Архитектура жана курулуш агенттигинин мурдагы жетекчиси Кадырбеков кызматынан аша чаап пайдаланды деп, Кылмыш кодексинин беш беренесинин негизинде беш айдан ашык убакыттан бери камакта отурат . (BuS)
