Каржы министрлигинин маалыматына караганда, жергиликтүү кеңештерге шайлоо өнөктүгүн жүргүзүү максатында 60,7 миллион сом которулган. Бул шайлоону өткөрүү боюнча республикалык штабдын жыйынында айтылганга караганда, учурда жергиликтүү бийликтер тарабынан шайлоо участкалары имарат менен камсыздалып, аларды эмерек, техникалык каражат, унаа жана байланыш менен камсыздоо чаралары көрүлдү. Ошондой эле шайлоочулардын тизмесин түзүү жана тактоо иштери аяктады. Такталган акыркы маалыматтарга караганда, учурда өлкөдө 2 003 643 шайлоочу бар.(SM)
