Кечээки иш-чарага ардактуу эс алууда жүргөн кырк адам чакырылып, ар бирине миң сомдон акчалай белек берилди. Аталган министрликтин статс-катчысы Акунжан Абдрашев “Азаттыктагы” маегинде бул ардагерлердин Кыргызстандын билим берүү системасын өнүктүрүүдө орду чоң экенин баса белгиледи. Ардагерлерге андан соң Кыргыз техникалык университетинин студенттери жана “Сейтек” балдардын жана өспүрүмдөрдүн борборунун чыгармачыл тобу концерт тартуулашты. Билим берүү министрлигинин маалымат кызматынын билдиришинче дал ушундай эле иш-чаралар облусттук жана райондук борборлорунда уюштурулду. (EBM)
