Орусиялык маалымат кызматтары билдиргенине караганда, эки ракета Охотск жана Баренц деңиздериндеги суу астындагы кемеден чыгарылып, үчүнчүсү Плесецк полигонунан учурулган. Ошондой эле учактан атылган канаттуу ракеталар белгиленген жерлерди таамай соккону да кабарланууда. Сыноого көз салган президент Медведев – бул ийгиликтүү сыноолор Орусиянын ракеталык чабуулдардан коргонууга күчтүү даремети бар экенин дагы бир жолу тастыктады, деп билдирди.
