АКШнын мамлекеттик катчысынын жардамчысы Ричард Баучер мындай пикирин бүгүн журналисттер менен болгон жолугушууда кабарчыбыз Төрөкул Дооровдун суроолоруна жооп берип жатып билдирди. Баучер мырза АКШ бул базасын өтө баалай тургандыгын, Ооганстандагы кырдаалды жөнгө салууда анын ролу өзгөчө экенин белгиледи. Мамкатчынын жардамчысы Кыргызстанды энергетикалык кризистен арылтуу максатында АКШнын алты миллион долларлык программасы иштеп жатканын билдирди. Ага ылайык электр энергиясына өтө муктаж жерлерде, айрыкча ооруканаларда жарыкты үзгүлтүккө учуратпай берүү каралган. (EBM)
