Кечээ өкмөт үйүндө Мамлекетик катчы Досбол Нур уулунун төрагалыгы астында өткөн жыйында Кыргызстанда калкты кайра каттоого даярдык көрүү жана турак-жай фондусуна байланыштуу маселелер каралды. Отурумда Улуттук статистика комитетинин жетекчиси Орозмат Абдыкалыков бул жаатта жасалган иш аракеттер боюнча маалымат берип, калкты кайра каттоого даярдык көрүүдө Кыргызстандын тышкы жана ички миграциясына байланыштуу бир катар кыйынчылыктарга дуушар болуп жатканын белгиледи. Жыйындын соңунда комиссия Калкты жайгаштыруу боюнча улуттук комиссиянын отуруму боюнча даярдалган протоколдун долбоорун бекитти.(MSu)
