Ноябрь айынын башына чейин жалпысынан андай 140 үй жеткирилет, деп билдирди Өзгөчө кырдаалдар министринин орун басары Бакир Жолчиев бүгүн “Азаттыкка”. Анын маалыматы боюнча, жасалып бүткөн үйлөр күн сайын Алай районундагы Нура айылына жөнөтүлүүдө. Бул убактылуу үйлөрдө нуралыктар кыштан чыгууга тийиш. Андан кийин Нура айылы жаңыдан курулмакчы. Жер титирөөдөн жабыркагандарга ар тараптан гуманитардык жардамдар келүүдө. 21-октябрда Беларустан келген жардам кабыл алынды. Беларутар 20 чатыр, 2 миң одеало, тамак-аш, самын жана башка керектүү буюм-тайымдарды жиберишкен.(AiT)
