Ош шаарынын Гагарин, Масалиев, Петров көчөлөрүнүн жана “Ак тилек” кичи райондорунун тургундары “Азаттыкка” маалымдашынча, түштүк баш калаасында электр энергиясы бекитилген график боюнча эмес башаламан өчүрүлүүдө. Айрыкча акыркы үч күндө көпчүлүк жашоочулар таптакыр жарыксыз калышты. Ош электр түйүнү ишканасынын директору Самат Сулайманов шаар тургундарынын дооматын четке кагып, электр энергиясы графиктин негизинде өчүрүлүп жаткандыгын билдирди. (АТо)
