30-октябрда Астанадагы ШКУ өкмөт башчыларынын жыйынына катышкандан кийин ошол эле күнү Игорь Чудинов Стамбул шаарына сапар алып, ал жерде өтүп жаткан Дүйнөлүк экономикалык форумга катышат. Анда кыргыз өкмөт башчысынын сөз сүйлөөсү белгиленүүдө. 31-октябрда Игорь Чудиновдун Түркияга сапарынын расмий бөлүгү башталып, ал Анкара шаарына келет. Түркия борборунда ал түрк президенти, өкмөт башчысы менен жолугушуп, өз ара кызматташуулар боюнча сүйлөшүүлөр өткөрөт. Андан сырткары премьер-министр кыргыз-түрк ишкерлеринин бизнес форумуна катышат.
