Грузиянын парламенти өкмөт башчылыгына сунушталган дипломат Григол Мгалоблишвилиге (Grigol Mgaloblishvili) ишемби күнү колдоо көрсөттү. Бул кадамды президент Михаил Саакашвили реформанын башаты катары жактыруу менен белгиледи. 35 жаштагы Григол Мгалоблишвили Оксфорд университетинде таалим алган. Буга чейин ал өлкөнүн Түркиядагы элчиси кызматын аркалап келген. Анын өкмөт башчылыгына талапкердигин президент Саакашвили 27-октябрда сунуштаган болчу.
