Бул тууралуу Баткен облустук бийликтин маалымат катчысы Мамажан Бердишов «Азаттыка» билдирди. Мындан бир ай мурда Өзбекстандын Алты-Арык районунда кыргыз жарандарынын чек арадан декларация толтурбай, жашырып акча алып өткөндүгү боюнча сот иши каралып, ага мобилизациялык резервдер секторунун башчысы Таштемир Эшалиев катышкан жана ал жерде чек араны жабуу тууралуу маселе көтөрүлгөн эмес. Бул иш тууралуу 5-ноябрда “24 kg“ сайтында чыккан маалымат бир тараптуу жана такталбай берилгендиктен Өзбекстандын райондук сотунун төрагасы Зафаржан Омоновко Баткен областтык акимчилиги туура маалымат таратуу жөнүндө талап кылган кайрылуу жолдоду. (JA)
