Ош шаар мэри Жумадыл Исаков «Азаттыкка» билдиргенине караганда, Кыргызстандын түштүк башкалаасында диний кырдаалдын курчушуна дааватчылыктын да таасири чоң. Ошол себептүү Ош облусунун бардык райондорундагыдай эле шаарда да дааватчылардын ар кандай иш-чараларына тыю салынды. Ашыкча аракеттер укук коргоо органдары тарабынан катуу тескөөгө алынмакчы. Дааватчы Алишер Жусуповдун пикиринче, санаалаштарынын далалатынан өөн издөөнүн эч кандай кажети жок, мындай чектөө жарандардын конституциялык укугун тебелеп, калк арасында нааразычылык толкунун жаратаары шексиз. (ATo)
