Россиянын президенти Дмитрий Медведев Барак Обама кызматына киришкенде АКШ менен алакаларды өнүктүрүүгө үмүттөнөт. Бул тууралуу орус лидери Вашингтондо Эл аралык байланыштар кеңешинде билдирди. Медведев Москва АКШнын Чыгыш Европада антиракеталык системаны орнотуу пландарын талкуулоого даяр деди. Бир нече күн мурун президент америкалыктардын долбооруна жооп иретинде Калиниград аймагына “Искендер” ракеталары жайгаштырылат деп эскерткен. Анклав НАТОнун мүчөлөрү Литва жана Польша менен чегарада орун алган.
