Франс-Пресс агенттигиндеги кабарга караганда, Иран маалыматтар боюнча Интернетте 5 миллиондон ашуун сайтты блокадалайт. Алар, Иран бийликтеринин көз карашы боюнча, маазмуну жагынан моралсыз жана коомго каршы деп саналгандар. Соңку жылдары Интернет кызматын көргөзгөн провайдерлерге саясий багыттагы, адам укуктары боюнча жана аялдардын сайттарын, башкача көз караштарды чагылдырган, исламга каршы же порнографиялык мүнөздө деп эсептелген сайттарды ачтырбоо жөнүндө көрсөтмө берилген. Иранда тыюу салынгандар арасында YouTube, Facebook өңдүү популярдуу сайттар да бар.
