Кыймылдын лидери Аликбек Жекшенкуловдун “Азаттыкка” билдирүүсү боюнча, курултай 29-ноябрда Орус драма театрынын имаратында болот. Ага катышуу үчүн жер-жерлерден 1200 делегат келет. Курултайга катышуучулардын саны көп болгондугуна байланыштуу партия делегаттарынын санына чектөө коюлуп, ушунча адамдын катышуусуна гана уруксаат берилди. Оппозициячыл кыймыл курултайында Кыргызстандын учурдагы саясий-экономикалык абалын салмактап, келечек өнүгүү концепциясын талкуулайт. (BD)
