Өлкөдөгү саясий абал талкууланган тегерек үстөл жыйынында оппозициялык саясий күчтөрдүн көтөрүп жаткан талаптары жаратпай четке кагылды. Аялдардын жана жаштар уюмдарынын, айрым саясий партиялардын облустагы өкүлдөрү оппозиция ишмерлери Топчубек Тургуналиев менен Аликбек Жекшенкуловго нааразылыктарын билдиришти. Алар 15 жылда таланып-тонолгон өлкөнү үч жылда калыбына келтирүү мүмкүн эмес, бийликке жутунган оппозиция К.Бакиевдин ишмердигине тоскоол болууда деп белгилешип, президентти ишенимсиз кадрлардан жана экс-президенттин куйруктарынан арылууга, оппозициянын өкүлдөрүн мамлекеттик кызматка жолотпоого чакырышты. (YA)
