Азия өнүктүрүү банкынын вице-президенти Саяюй Чжаону бүгүн премьер-министр Игорь Чудинов кабыл алат. Анда банк менен Кыргызстандын финансы-экономикалык кызматташуусу, биргелешип аткарып жаткан долбоорлор жөнүндө сөз болот. Бул тууралуу премьер-министрдин басма сөз катчысы Айбек Султангазиев “Азаттыкка” билдирди. Азия өнүктүрүү банкы жер титирөөдөн жабыркаган Нура айылынын инфраструктурасына 30 миллион долларга чейин каражат бөлөрүн билдирген.(AiT)