Мындай маалыматты партия төрагасы Темир Сариев 4-декабрда Нарын шаарындагы “Нарын кg” медиа борборунда өткөн жыйында билдирди. Аларды Кочкор районунун кире беришинен ички иштер бөлүмүнүн кызматкерлери токтотушуп, автоунааны тинтүүгө алышкан. Темир Сариевдин айтымында, окуя болгон жерге Кочкор районунун акими да келген жана мерчемдүү убактан соң коё беришкен. Нарын облустук ички иштер башкармалыгына байланышсак, нөөмөткер Аттокуров мындай окуя болбогондугу тууралуу телефон аркылуу маалымдады. Ал эми ушул эле күнкү жыйында “Ак шумкар” партиясынын облустагы координаторлугуна Урмат Акунов шайланды.
