Өкмөт башчы Игорь Чудинов кечээ кол койгон токтомго ылайык мындан ары Кыргызстанга сырттан алып кирилген алкоголдук жана спирттик ичимдиктер, этил спирти жүктүн бажылык декларациясынан тышкары дагы атайын маалымдамага ээ болууга тийиш. Өкмөттүк маалымат кызматынын кабарлаганы боюнча бул токтом алкоголдук ичимдиктердин жана спиртти сатууга жана өндүрүүгө болгон көзөмөлдү күчөтөт. Мындан тышкары бул документ сатып алуучулардын кызыкчылыгын коргоого багытталган. (ZKo)
