Кыргыз тышкы иштер министри Эднан Карабаев кечээ Иран президенти Махмуд Ахмадинежаддын кабыл алуусунда болду. Жолугушууда Ирандын өлкө башчысы соода, инвестиция тармагында жана аймактык кызматташтыктын алкагында эки өлкөнүн алака-катышы ыкчам өнүгүп жатканын белгиледи. Э. Карабаев өз кезегинде Кыргызстан транспорттук-байланыш долбоорлорун ишке ашыруу боюнча аракеттерди кеңейтүүгө кызыкдар экендигин билдирди. Иш сапары учурунда Эднан Карабаев Ирандын соода министри менен да жолукту. Жыйынтыгында кыргыз делегациясы Кыргызстандын Ирандагы элчилигинде болушту. (AzK)
