Жогорку Соттун төрайымы Жаңыл Алиева билдирүүсүнө караганда, Жогорку Соттун судьясы Абдугапар Үсөновду судьянын кынтыксыз жүрүш-туруш талабына жооп бербегендиктен мөөнөтүнөн мурун кызматтан бошотууга сунуштоо чечимин Соттордун кеңеши жактырды. Президент ал сунушту парламентке алып чыгууну Жогорку Соттун судьясына тапшырган. Маалыматка караганда, Үсөнов үй сатып алууда өзү түзгөн келишимди аткарбай, ал боюнча экинчи тараптан арыз түшкөн. Төрайым Алиева дагы бир катар судьяларды кынтыксыз жүрүм-турум талабына жооп бербегени үчүн кызматтан алынарын белгиледи.(AiT)
