Оппозициялык саясатчылар Гарри Каспаров менен Борис Немцов «Солидарность» («Тилектештик») деген жаңы партия түзүштү. Орус маалымат каражаттарынын жазганына караганда, Москванын жанында өткөн конференцияга 300дөй оппозициялык саясатчы катышты. Партия өлкөдөгү либералдуу күчтөрдүн башын бириктирүүнү көздөйт. Кремлчил «Жаш Россия» деген жаштардын тобу жаңы партияга каршы акция уюштурушту.
