АКШ баш болгон НАТО Ооганстандагы күчтөрүн жабдуу үчүн түндүк тараптан жолду кеңейтүүнү көздөөдө. Генерал Дэвид МкКирнандын Кабулдагы билдирүүсүнө караганда, коалициялык күчтөргө керектелчү күйүүчү майдын көпчүлүк бөлүгүн азыркы мезгилде Түркмөнстан жана Өзбекстандан ташууда. НАТОнун аскерий жүктөрдү Пакистан аркылуу ташуусу талиптердин кол салууларына байланыштуу кыйынчылыкка учуроодо. Акыркы мезгилде эле НАТОнун Пакистан аркылуу келе жаткан жүк ташыган ондогон автоунаалары талиптер тарабынан өрттөлдү.
