Элдик революциялык кыймылдын өкүлдөрү бүгүн жыйын куруп, анда аталган кыймылдын мүчөсү, “Жашылдар” партиясынын төрагасы Эркин Бөлөкбаевди көздөн далдоо жашырып туруу жөнүндө чечим кабыл алынды. Бул тууралуу ревкыймылдын лидери Азимбек Бекназаров “Азаттыкка” билдирди. Элдик революциялык кыймыл жыйындарын “Жашылдар” партиясынын кеңсесинде өткөрүп келет. 13-декабрда партиянын кеңсеси тинтүүгө алынган. Ушундан улам бийликтин ар кандай аракеттеринин алдын алып, Э. Бөлөкбаевди жашырып турууга аргасызбыз, дейт А. Бекназаров. (EBM)
